肥妹:明白唔代表理解,理解唔代表體諒

POT.HK:不同的人有著不同的做事方法,遇到一個與你做事節奏不同的人,確實會讓人很火大,也不是一件容易解決的事情。有時候跨國就更容易出事啦。

無論生活或工作,都會有俾人激到甩肺嘅情況,通常都會問一個永遠都無答案嘅問題:點解有d咁__嘅人?都未見過有依種人!

點解會咁激動?其實自己都講埋出黎,一切源於:之前都未見過依種人。愈未見過嘅行為,愈覺離譜,愈覺激動。離譜的意思就是離開了個人固有的「譜」,脫離本來的規律性。

無幾耐之前,我先正式發現依個事實:就是有人會離譜,而且離曬大譜之餘,大聲夾惡之餘,講極都唔明。「一樣米養百種人」早早聽過,但就無法瞭解箇中哲理,亦未夠閱歷,認識曬百種人,就會成日都被激動,成日問:點解有依種人?正常人應該點點點⋯。

當瞭解世界上至少有兩種人,意識到激親你嘅果位阿茂,其實只不過係同你做事方式有別,佢嘅「正常」與你嘅「正常」不一樣。然後,你就會明白點解佢可以繼續理直氣壯,繼續肆無忌憚,繼續做埋啲你覺得離曬譜嘅嘢 。因為佢都係咁諗:點解你做事咁嘅樣,點解你離曬(佢個)譜,正常人應該點點點⋯。

係呀,只要佢行邏輯性,你行懶感性,就可以展開一場又一場戰熳,男人同女人都係咁之嘛。

(但係!明白唔代表理解,理解唔代表體諒,遇著極品,都會繼續心胸狹窄得就係容不下第二種人,激動講:你收皮啦我與你不一樣!)

【非經允許、不得轉載。POT.HK 獲授權刊載;作者:肥妹;原文標題:世界上的確起碼有兩種人;好文章需要你的支持,請讚好 粉絲專頁

【此文章刊載於POT.HK;標題:肥妹:明白唔代表理解,理解唔代表體諒

‘關鍵字’ , , ,