阿旺:老闆無恥到連抽 iPhone 都要潤我地

最近 iPhone又推出新型號,濃濃嘅炒風勾起阿旺同一班同事嘅一段傷心回憶。今次班果農炒燶哂成手蟹貨,當日仲喺 facebook 上面炫耀自己第一水抽到嘅 on9仔們宜家望住自己床頭枱面堆積如山嘅 iPhone 6s,就算帶落去先達貼錢都無人肯收機,唯一可幸嘅係,萬一有賊爬入屋,可以用最新嘅玫瑰金嚟掟賊,掟完個賊頭也不回咁走,佢會連執都費事執。

呢種用六千幾蚊嚟擊退敵人嘅爽快感並唔係人人都可以享受到,可以用此豪邁嘅方式趕賊係人生贏家嘅象徵。想當日 iPhone 6 開賣,阿旺都想擠身人生贏家嘅行列,好努力咁捕住部電腦等佢 system開賣,但估唔到嘅係,竟然因此落得被人羞辱嘅下場。

2014年九月,阿旺自知讀咗屎片幾年宜家畢業自食其果淪為廣告界袋底泥,但係環境越艱難越要自強,見 iPhone開賣同自己講,機會到了,要翻身要發達要脫離廢青行列就要靠呢鋪。

事前上高登同 thisav 深造咗三十分鐘,大概都知道應該要點樣搶 iphone,時間距離開售仲有十五分鐘,由背囊抽出一早準備好嘅羅庚,將自己本人同電腦由頭到腳連條 JJ 都撥向當日財位,祈求一切順利。

踏正正式開售時間,打開自己電腦嘅所有 browser連同 ipad iphone 一齊瘋狂 refresh,由 thisav d 加藤鷹片段裡面習得嘅手指功夫係呢個時間就大派用場,當旁邊同事只係 refresh 咗三次我已經同時撩緊 4部 device,捽到手指頭都開始 feel到帶點濕潤,但係始終都係無辦法登入認購畫面。

全公司嘅氣氛比起放榜 check jupas 更加 intense,聽到遠處已經有人開始歡呼,人地當時臉上嗰個不可一世嘅表情到宜家都仍然歷歷在目。

refresh咗差唔多半個鐘,附近嘅同事們都仲未有人撞得入訂購版面,萬念俱灰嘅人們已經有幾個喺牆角一邊抱頭痛哭,為什麼已經如此落力但機會仍然不是屬於我的。老闆喺依個時候行過,大家都已經再無力氣同心情 alt tab扮工作,繼續用身體僅有嘅力氣繼續 refresh。但係老闆都無要我地做嘢嘅意思,佢帶住一個居高臨下嘅笑容,大聲問我地:

「點呀買咗幾多部啦」

「一部都未買到呀」

「人地 programmer已經買咗廿幾部,我都落咗三十部訂」

「咁厲害嘅」一邊講,視線一直未有離開過電腦,用充滿怨念嘅手指頭繼續怒㩒螢幕

「你地就應該學吓人讀多 d書啦,唔係就唔使連 iPhone 都訂唔到部」

【非經允許、不得轉載。POT.HK 獲授權刊載;作者:阿旺;原文標題:小老闆;好文章需要你的支持,請讚好 粉絲專頁

【此文章刊載於POT.HK;標題:阿旺:老闆無恥到連抽 iPhone 都要潤我地

‘關鍵字’ , , ,