肥妹:識搵,一定搵個女朋友做廣告

POT.HK:女朋友做咩職業真的很重要!Well,其實男朋友都係。

今日同朋友講開,原來任職廣告公司(下稱agency)嘅女朋友都有返少少吸引力。

第一,唔會太肥

Agency又點會養得肥人?除非你係日日揸流灘,返工等食晏,食飽飯又開零食,食完又恰眼瞓等收工,夠鐘梳頭拎手袋(下刪一萬字)⋯架唧。我諗 agency好難容得落依種人,除非你老闆好好人啦(我老闆太好人)。

一返工,排山倒海嘅email電話唔再講,資訊爆炸到根本接收唔設,應接不來。解答 同事嘅問題,應付客人嘅投訴質疑無理取鬧,仲要總有班「底線傳底」專門卸膊嘅無賴呢?間唔中電腦又hang機,你又無save file呢?除咗怒氣,全日output多過input,仲邊度有得肥?咁就可以隨時隨地keep住瘦晒啦。

 

第二,懂得民間疾苦

上面都講咗啦。一樣米就養百樣人,同一個agency 都養住多多少少幾百等人。幾咁刁鑽嘅難題,幾limited嘅budget with幾苛刻嘅kpi,幾十對手都做唔晒嘅野,幾乞人憎嘅面口,有咩風浪未見過?所以,做過agency嘅女仔一定深愔工作嘅勞苦,人生嘅險惡,對男朋 友有一定嘅體諒之餘,eq應該有返咁上下,好似係。

 

第三,照顧到人

上面都講咗啦。咁難纏嘅客人、同事、上司都搞得掂,照顧你就濕濕碎啦!做慣project嘅女仔,一定事事細心,見微知著,而且行事獨立,有咩事都可以冷靜應對。

 

第四,唔會太痴身

上面都講咗啦,咁q忙,唔洗俾人再鬧你唔覆機無交帶啦,最緊要係佢自己都忙到甩碌,節目都諗少好多啦!係咪諗起都爽皮先?

【非經允許、不得轉載。POT.HK 獲授權刊載;作者:肥妹;原文標題:識搵一定係搵個做廣告公司嘅女朋友;好文章需要你的支持,請讚好 粉絲專頁

【此文章刊載於POT.HK;標題:肥妹:識搵,一定搵個女朋友做廣告

‘關鍵字’ , ,