阿旺:客戶話「如果呢單嘢搞得掂嘅以後應該大把合作機會」喎

POT.HK:各行各業都有一句共同卻又永恆的謊言 -「如果呢單嘢搞得掂嘅以後應該大把合作機會」

早幾個禮拜阿旺又突然收到另一間 Agency 嘅 Request,指名道姓要我地幫佢地搵一個 KOL 落 Event 出 Feed,本身呢種咁樣由 Agency 嚟嘅 Request我地都唔係幾鍾意,錢少就必然架啦,又要討好個 Agency,又要幫手湊個 KOL,單 job做得好人地只會讚嗰間 Agency,做得唔好件事又得罪哂兩邊,但奈何今次呢間 Agency 我地都好多合作,點都走唔甩死死地氣都要做。

後尾打電話去 Confirm個 Job 嘅 Detail,個 Agency 竟然有D奇怪嘅想法,話今次個 Job 我地淨係幫佢地約 KOL 就得啦,工作內容佢地直接 Brief 個 KOL,乜都唔會話我地聽,但係連 Job 內容都唔講我地聽咁之後又點 Follow Up呀。問咗幾轉都唔肯講,見佢咁決絕我都無謂逼佢,唔使我跟仲好我做少好多。

Event 完咗 Feed又出埋諗住等收錢,點知琴晚又收到個 Agency 嘅電話。

『喂點呀忙唔忙呀』

夜媽媽聽到D咁窩心嘅慰問原本應該好開心,但係做咗咁耐廣告我直覺話俾我聽,呢個人相當有嫌疑。

『都係咁,有咩事要幫手架』

『又唔好講到咁,見咁耐無聯絡問候吓你都唔得咩』

『我幾好,有心啦,無咩其他嘢嘅我做嘢先』

『丫係呀,之前叫你地搵 KOL 單嘢呢,條 Feed 好似唔係好夠 Like,有無辦法整整佢』

『又話問候吓原來有嘢問嘅,你有幾錢呀?』

『呢個 Project 本身已經 Over Budget 啦,你地嗰邊有無其它方法可以幫吓手』

『無錢買 Boost Post 嘅話我地都無能為力』

正常你有 Brief 我嘅話我知道要追 KPI 我都會幫你跟緊 D,或者預留 Budget 買 Ad,乜都唔同我講宜家又要我地幫手

『其實個客都好鍾意個 KOL 架,如果呢單嘢搞得掂嘅以後應該大把合作機會』

哇.. 真係唔知係佢弱智定佢以為我地都係第一日出嚟做嘢,我唯有答佢:

『係咩,咁下次有機會再合作再幫你追呀』

【非經允許、不得轉載。POT.HK 獲授權刊載;作者:阿旺;原文標題:無事夏迎春;好文章需要你的支持,請讚好 粉絲專頁

【此文章刊載於POT.HK;標題:阿旺:客戶話「如果呢單嘢搞得掂嘅以後應該大把合作機會」喎