肥妹:「廣而告之」的前題是值得「廣而告之」

POT.HK:廣而告之的前題是「值得廣而告之」,但很多人往往就忘記了這一點。

最近令肥妹瘦晒嘅野真係多不勝數,原來怒火真係只會燒死自己,燒唔醒d人!

就講其中一單。依期真係大開眼界,除咗17之外,仲有d好多不同類型垃圾app出現。又咁唔好彩,同其中一個app結緣。

聽過谷歌神嘅一個統計,六成上架嘅app從來無(never!never!never!)俾人download過,唔好話咩actively used,點樣俾人寵幸過點樣成為城中熱話。想講咩呢?就係:要突圍而出,都要有多少賣點。

講開17,點解咁紅?唔係佢發明直播,我相信係因為佢好大膽地將直播嘅功能「發揚光大」。大膽,已經係個好大好大嘅賣點。佢令每個人,包括一班「有得睇,無得用」嘅觀眾,可以亳無門檻、亳無限制(無論尺度、流量)下,變成一班有得睇、有得食俾人睇嘅食家,er,嘅用家。

當然,有麝自然香嘅年代已經離我地好遠,有好嘢,都要靠廣告廣而告之,俾更多人知道,先「考慮」用唔用你d嘢。但前提係,你要有麝。可以唔香,但唔好臭囉。用唔用,禁唔禁果個掣,禁咗掣點解唔買,好老實,屬於人類嘅行為,可以predict,可以嘗試explain,唔可以guarantee。學我老闆話齋:如果你檔嘢爛溶溶,鮑魚又臭,魚翅又發霉,員工又恰眼瞓講粗口,我周圍做廣告,帶埋班旅行團黎,都死啦?

如果你無麝,最多最盡最無良心,都只係幫你同人講:er,好似都幾香嘅,未至於臭,見仁見智啦,講多無謂,試下咪知龍與鳳。如果無,想有人留意,又想超越果60%無人download嘅app,仲想人actively use,我諗,難d囉。掉百萬請個代言人代言產品,你估佢真係有用咩?張曼玉會用olay,鞏利用loreal,ah sa真係用clean n clear?更何況,你又無掉百萬出黎(!!!)

【非經允許、不得轉載。POT.HK 獲授權刊載;作者:肥妹;原文標題:肥妹瘦晒‬;好文章需要你的支持,請讚好 粉絲專頁

【此文章刊載於POT.HK;標題:肥妹:「廣而告之」的前題是值得「廣而告之」

‘關鍵字’ , , , ,