「買生意」如娶老婆….

w680 (1)

之前問過大家一個問題,如果一定要你買,你會買以下邊間餐廳「做生意」?

A 靚餐廳
– 六星級服務,食物質素令人回味無窮,金碧輝煌裝修

B 衰餐廳
– 九流服務,食物質素非人食,陳舊破爛裝修

大家都是每月賺 5 萬元,大家都是賣 50 萬。問問你,你會買(A) or(B)?Why?

 

無絕對,但憑我的經驗,我必定會買(B)。試問大家,做生意最緊要什麼?當然是「賺錢」!靚有乜用,最緊要「有肉食」。如果(B)做到咁衰都賺到每月5萬元,只要你改善下食物質素、服務態度、翻新下裝修,利潤必定唔止5 萬。如果是( A), 你萬一 Keep 不到水準、或人事上有任何變動,分分鐘「由盈轉虧」,你做唔噃!

 

我十二年過千宗生意買賣的經驗,何謂好的生意去考慮買入?你必須問自己兩個問題:

  1. 冇咗上手老闆,盤生意得唔得?
  2. 你有冇信心做得好過上手老闆?

 

如果答案是 No No;點「靚」都千祈唔好買。

如果答案是 Yes Yes;快啲考慮清楚,勿失良機。因為這盤生意是你賺錢的大好機會。

 

講下笑,希望唔會得罪你/妳:

「買生意如娶老婆」,如果結婚當日,是你老婆最靚的一日….. Bad news, 以後只會走下坡,Maintainance cost 都貴好多!

「老婆」最緊要「生得」(有利潤)、「慳家」(維修成本低)及「有改善空間」(變得越來越靚)。如果係咁,婚姻自然長遠幸福美滿,夫妻相愛:)

 

可惜…. 大部份人都是喜歡一眼睇落去就是「最靚」的老婆…..好少人會懂得等老婆「變得越來越靚」才是長遠幸福的道理。

因此他們很多時會買現在「最靚」的生意,但因為冇改善空間,失敗率往往大升。所以,如果你下次買生意,記住買個「有改善空間」,會變得越來越「靚」的生意,長遠你就會幸福。

「越睇越靚的老婆,才是真正的好伴侶」

 

本文由「李根興創業之友 Edwin’s Entrepreneur-Friends」授權轉載。

【此文章刊載於POT.HK;標題:「買生意」如娶老婆….