阿旺:上班與上學的最大分別是「家用」

喺入行前我同好多行外人一樣,完全唔理解廣告行業嘅運作,又撞啱大台工播出同事三分親,令廣大市民對廣告業產生更大嘅曲解。

坦白講因為佢地搞到阿旺頭兩個月完全唔敢去公司廁所,總有種被監視嘅感覺,放個屁都怕俾 d女同事經由通風口聽得一清二楚。但事實當然唔係一班靚仔靚女朝朝早一齊喺公司餐廳食早餐啦,如果 d同事喺你返到公司嘅時候唔係通宵完暴斃於自己部電腦前已經謝天謝地。

其實返咗咁耐,親戚朋友週不時都會問我,「其實你做廣告即係做咩架?」very good question,我宜家可以好有自信咁話你聽,我都唔太清楚。

「唔…上吓網揾吓資料開吓會食吓嘢埋怨吓社會通吓頂消耗吓生命咁囉」

「吓!咁同你返大學嗰時有咩分別呀」

「nonono..你 sometimes too naive 啦,分別在於,以前有屋企人資助生活,宜家就負債越來越深; 以前唔夠使面皮厚厚咁問阿媽攞,宜家糧頭只要遲少少俾家用,媽媽就會發動無聲抗議,有一次遲咗兩日上繳,第二日飯盒打開得條蕉係入面」

「無飯食但係又想要面,一手攞起隻蕉大叫 “sila banana yum yum!”」

當然 d 初相識嘅同事都俾我嘅舉動嚇到,阿旺嘅 on9 image都由當日建立起穩固的根基。

【非經允許、不得轉載。POT.HK 獲授權刊載;作者:阿旺;原文標題:廣告101;好文章需要你的支持,請讚好 粉絲專頁

【此文章刊載於POT.HK;標題:阿旺:上班與上學的最大分別是「家用」

‘關鍵字’ , , ,