Kenneth Kwok:數據分析發展的下一步

「方向」

為免自己唔記得,所以寫低先。事關唔好比藉口自己無啦啦有變陣。講真現時香港仲未去到各行各業都重視數據分析,而且仲係一個好早期嘅階段。雖然已經奮鬥咗五年,只可以話自己未做得好好。不過有樣嘢係一定要改變,就係坊間對我公司嘅誤解!因為我間公司唔係廣告或者策略公司,而係諮詢服務公司!同時唔係淨係分析數碼數據,而係任何數據都可以。

「改變」

香港暫時做數據分析方面,好多都仲停留係網上同手機上嘅數據,而且大部份都係同市場推廣有關。甚少本地公司會投資大量資源去了解客戶行為同公司營運效益。點解?因為大部份公司都係好短線,而數據分析係要慢慢先至見效。同時因為回報期比較長,所以唔會貿貿然投資落去,況且人才少,人工貴。變陣係在所難免,不過變嚟變去都係離唔開數據!

 

「目標」

今年花咗好多時間去諗下一步應該點做,所以定下之後目標。第一當然係令市場知道公司定位,第二係要擴闊數據分析範圍包括開放同傳統數據,第三係做專業培訓令更多人了解數據分析嘅價值同培訓更多人才,最後利用過去嘅經驗去開發自己公司嘅數據模型俾更多人可以使用。當然聽起上嚟好似有啲妙想天開,不過再坐以待斃唔係一個辦法。

【非經允許、不得轉載。POT.HK 獲授權刊載;作者:Kenneth Kwok;原文標題:轉轉轉;好文章需要你的支持,請讚好 粉絲專頁

【此文章刊載於POT.HK;標題:Kenneth Kwok:數據分析發展的下一步

‘關鍵字’ , , ,