阿強:打工仔總會有這種瀕臨爆炸的經驗

POT.HK:臨時變卦的客戶,只會讓他自己變成負分。

做咗呢行咁耐,曾經遇過好嘢都令到阿勤欲哭無淚,但係大部分嘅事情都係可以解決嘅,最多咪自己辛苦 OT幾日搞掂佢。真正最驚嘅係,個客又好上司又好,臨時變卦,講好哂傾好哂差臨尾一腳嘅時候俾人叫停,然後要你砍掉重練。感覺就好似朝早起身屙第一篤尿嘅時候,湧到出嚟咁滯先俾人一野箝住個 J 頭,嗰一刻真係同條 J 一樣瀕臨爆炸嘅邊緣。

早排個客有個新 Product 十月要 launch,咁我地就幫佢約記者影相寫稿。記者嘅期係咁急嘅時候先約根本就已經爆哂,但係幾經辛苦,用盡人情牌加大量美色終於俾我地搞掂個期。相影哂稿打好一切準備好等 launch 之際個客好自然咁又出招。

『我地個 product唔 launch住啦十一月先 launch,你地安排記者嗰邊都延期啦』

『會係因為咩原因要延遲呀?人地排好期十一月應該唔會用空間俾你插入去,同埋你咁樣突然抽起人地又要再安排其他 content補返,會好麻煩』

『無呀我地琴晚諗起又覺得十一月個 feel 好 d,我都知會有麻煩架啦,但係你地搞得掂嘅,唔係開咁大間公司嚟做咩。』

我宜家都唔知應該有咩 feel,不過客人總是對的,我地呢 d 無娘親生嘅點會明白十一月個 feel咁大件事呀。

【非經允許、不得轉載。POT.HK 獲授權刊載;作者:廣告界地底泥;原文標題:;好文章需要你的支持,請讚好 粉絲專頁

【此文章刊載於POT.HK;標題:阿強:打工仔總會有這種瀕臨爆炸的經驗

‘關鍵字’ , , ,