阿旺:客戶「惡人先告狀」,很氣但又能如何?

POT.HK:「惡人先告狀」這招在職場上固然好用,可以掩蓋自已工作上的失誤,但對方還是會把你的失誤流芳百世,始終解決不了問題。

如果每次阿旺回答客人嘅一個on9問題可以得到一蚊嘅話,發達就未至於,但係點都夠可以豪食burger king唔使成日食麥當勞22蚊餐,俾人問到加唔加大嘅時候仲要頭耷耷,蚊滋咁細聲話 「唔使啦唔該」。

有個客人,campaign中間無啦啦停咗兩個禮拜,隔咗兩個禮拜我地再交feed draft俾佢嘅時候,同其他in house好似同一個老母教出黎咁又係完全無反應。兩日後阿旺好有禮貌咁又問吓佢,唔知有無d咩update呢,點知又係唔覆。

再隔多三日終於都頂唔順就半恐嚇佢咁打咗個Email同佢講 “如果你唔覆我地咁我地就會著schedule出架啦” 估佢唔到今次五分鐘就覆到我,內容對自己拖我draft唔approve隻字不提。

「我睇返哂之前d feed,點解d performance咁差架,你每個禮拜 feed performance都追唔到我地傾好咗個 requirement」

本來我都想好好地同佢解釋返,點知我都未打完個 email佢竟然又再 send多咗個email黎,入面有個 excel表,逐個逐個禮拜同我 highlight住話未達標。睇到火都黎埋所以連 email都懶得打直接打過去同佢講。

「hello Angel 呀係咪呀?我係袋底泥個阿旺呀。頭先見到你兩個 email 啦,咁都想同你解釋返啦,你打咗出黎嗰個唔係 weekly requirement 係 monthly 黎架,所以如果你要幾 weekly performance 你要將 4 個禮拜加埋哂黎睇嘅」

佢把聲已經不禁流露出一絲絲笠水嘅感覺,但仲想不失霸氣「係咩…. 咁你上個禮拜都唔達標啦」

我都連屌佢都費事 「係呀 Angel 因為你叫咗我地停出feed 兩個禮拜,咁自然就表現會得返一半」「咁如果無其他問題嘅話會唔會可以睇睇 d draft 再覆返我啦」

「睇吓點啦」講完佢就隨即 cut 線。

個情況就好似牛佬係旺角俾警察竇,柒咗笠水走佬但又要扮型。

隔咗一個禮拜佢再send information 俾我同另外一個 teammate嘅時候佢竟然用咗最惡毒嘅方法反擊,email title 佢寫咗 「Dear 阿強,」

條 bitch 竟然唔 dear 我,hurt 死我啦。

【此文章刊載於POT.HK;標題:阿旺:客戶「惡人先告狀」,很氣但又能如何?

廣告界袋底泥
‘關鍵字’ , ,