阿強:In House 犯錯也是 Agency 的錯

做 Agency 同做 in house 最大嘅分別係,in house 是至高無上的存在,而 agency 永遠都係處於食物鏈嘅最底層,奶住人地鞋底過活。

好似動物農莊咁講,有些動物比其他動物更公平,agency 犯錯是 agency 的錯,in house 犯錯也是 agency 的錯。做agency 嘅就要做好擔當性奴一角嘅心理準備,三不五時俾人捉嚟狠操一輪,再要若無其事咁繼續為佢處理各樣大小事務。

要做到一個稱職嘅性奴並唔容易,每日要應付客人天馬行空而不切實際嘅想法,要拒絕某d不合理嘅要求時仲要顧全客人嘅弱小心靈同公司嘅專業形象,揸住有限嘅 budget 但又要發揮出無限嘅創意,做中間人 line up 其他團體時仲要腹背受敵,兩邊要同時討好但又要受盡修改內容時兩邊單位嘅氣。

好不容易終於收工自己一個人喺十一二點食個簡單的晚餐時又再收到公司上頭或客人嘅新指令,要求第二朝早九點交,好似王恩浩蕩俾足一日我做,但係又好似唔理解其實已經放咗工,要聽朝一早就見到就即係要宜家要返公司做嘢。

最後 OT 完返屋企瞓,朝早起身洗個面再抬起頭望住鏡裡面一臉倦容嘅自己都會問,你今日係為咗d咩起身?

【此文章刊載於POT.HK;標題:阿強:In House 犯錯也是 Agency 的錯

廣告界袋底泥