阿旺:裝勤力的後果,是害大家都不能睡覺

POT.HK:作為上司,雖然有職位上有隨便罵人的權利,但事實上一旦罵錯了,只會成為恥笑的對象。做一個和諧可親的上司還是比較重要。

阿旺最近有個客人,人地都係agency來嘅,個對口Jolly姐都係差唔多年紀嘅人,大家都係處於袋底嘅位置,所以特別好傾。

星期日凌晨三點幾,訓到好似卡比獸咁嘅阿旺俾電話聲嘈醒咗,係Jolly打黎。雖然俾人嘈醒但見係Jolly打黎,心情都係好嘅。

『點呀Jolly姐,係咪好掛住人,忍唔住要打黎同人地傾心事先』

『痴線唔係呀』

『你口不對心,明明就好掛住人地』

『唔係呀,我大佬頭先打黎,話唔滿意你地最近交嘅feed draft同相,宜家要con call呀』

『宜家?三點幾?』

『係呀,佢仲叫醒哂所有人,宜家你揾埋你嗰邊嘅人我地就打俾你架啦,打定俾你聽等你準備好呀』

『快d啦,十幾人等緊你架』

 

一接通電話,佢地大阿姐即刻急不及待要開始鬧人。

『講好咗你地要交feed draft俾我地approve,加埋三張相,點解宜家都仲未搞掂』

『feed draft就交咗,你地都approve咗架啦,相就要等你地俾product先有得影,之前send俾你嗰三張都係俾你feel吓大約會係點影姐』

『無呀邊有approve過』

『ehh你地email confirm咗架啦wor,使唔使send返個email俾你double check?』

『無呀我睇唔到』

 

估唔到佢竟然發動董伯伯特殊技能,唔提就當無,不過電話另一頭佢地即刻mute咗,應該都係知柒咗,要即刻再揾嘢屌過。隔咗五分鐘電話又再接通,聽佢把聲有d亢奮,應該係以為自己捉到我地痛腳所以高潮咁聲講嘢。

『d圖同你d draft唔夾wor,我好清楚個客嘅要求,過唔到我你都唔使旨意過到個客』

『其實Jolly已經幫我confirm咗,個客人好鍾意張圖,咁唔知你會想點改呢?』

關家姐咗大阿姐求其講咗兩句就錠咗我地電話,想打黎揾人屌都問清楚自己d細嘅,屌完又要敗走咁又點好意思呢。

【此文章刊載於POT.HK;標題:阿旺:裝勤力的後果,是害大家都不能睡覺

廣告界袋底泥