阿旺:原來 Appove 左唔代表條 feed 出得街

POT.HK:職場上,不管你做多少的準備工夫,有時候客戶想要罵你,還是會罵你。這種情況就跟港女發脾氣一樣,根本不需要道理。

好多 Fanpage 出 Feed 都會懶唔寫 Draft,咁所以阿旺平時其實連 Copywriting 都要撈埋。有個客要求要先 Approve draft 再出落 Fanpage,因為佢地話佢地對 Feed content 好有要求。

(此product純屬虛構)

我地想條feed簡潔有力同埋informative d

「這個來自日本的富士蘋果,全天然栽種,每一顆都有專人照料,怪唔得咁好味啦」

可唔可以寫得大力d再試吓加d戲劇張力

「朋友請我食呢個來自日本嘅富士蘋果,全天然栽種,每一顆都有專人照料,一啖要落去就好似有成千上萬嘅小蘋果係個口入面爆發一樣」

一係試吓換個小小咸多多趣嘅感覺

「望住嗰種剛好成熟而豐滿嘅曲線,口水已經開始不受控咁留出黎,嘴巴才輕輕碰到,裡面嘅蜜汁即刻溢出,搞到嘴邊全部黏黏的,這來自日本的富士蘋果能帶給你初嘗禁果嘅刺激爽快」

個feel唔太夾個product,用返第一個啦,不過好似都係唔係好夠力道,我地revise完再send俾你啦!

最後我收到嘅,竟然係

「這個來自日本的富士蘋果,全天然栽種,每一顆都有專人照料,怪唔得咁好味啦!!!」

Yes, 佢就係加咗三個感嘆號send返俾我!

收到approved draft之後confirm咗佢地approve咗就順手出埋街,send返條feed link俾出去俾個客之後半個鐘後俾人響爆咗嘅電話。

「你有無搞錯呀,做咩條feed會出咗街架?」

「ehh 你approve咗我咪跟schedule出囉」

「邊個同你講approve咗等於出得街架?」

唉..我又犯埋d低級錯誤,就好似我女友同我講 「同你一齊唔代表同你拍拖囉」

【非經允許、不得轉載。POT.HK 獲授權刊載;作者:廣告界地底泥;原文標題:https://www.facebook.com/crotchsecret;好文章需要你的支持,請讚好 粉絲專頁

【此文章刊載於POT.HK;標題:阿旺:原來 Appove 左唔代表條 feed 出得街