阿強:沒有貨品卻想 draw sales 的神奇客戶

POT.HK:想做的東西很多,但能做的東西很小。當你想做一件事的時候,也許應該思考清楚是否能夠做到。職場上很多人喜歡空口説白話,千萬不要讓自已成為這種人。

上次講到 cheap 客簽咗張幾皮嘢嘅單俾我地,然後俾我地 Manager 霸氣回應咗,之後都一直無咩聲氣,上個星期就上返去開咗次 kick-off meeting。

Receptionist 帶我地到 meeting room,見到四條薯仔一字排開,個個都木無表情,然後係 meeting room 最裡面嗰張櫈突然轉過黎,搞到我以為自己去咗中國好聲音,差d加入埋佢個team。

以為 kick-off meeting 會由我地做主導,點知我地 Manager 都未黎得切出聲,人地個大阿姐已經搶住開始講嘢。

「我對今次個campaign期望好高,其實都唔想太辛苦你地,唔使太大noise亦唔使追 KPI,我只係要求可以直接 draw sales,講到尾大家都係睇錢嘅姐,draw 到 sales 就得架啦」

佢一直繼續同我地吹噓自己個新 product幾正幾正,放眼望過去佢d手下,四個巫啟賢不停咁露出既困惑又讚歎嘅表情,中間再夾雜一d表現出欲言又止嘅唇部抖顫,不時再以左手托住個頭擺出一個似懂非懂個表情。

人地江蘇衛視重金禮聘嘅殿堂級評審內心獨角戲,宜家人地d In-House係一個 Kick-off meeting 上面將佢完美重現。

「唔好意思呀我想問你係打算點樣計算我地幫你地 draw sales 嘅成果呢?」

「其實我地就暫時缺貨,不過你地繼續幫我地 draw 住 sales 先」

估唔到苦練 30年嘅 Finance 今日會係廣告上面用到,宜家咁樣沽空佢個 product,會怕個市場會太多不明朗因素,觸發恐慌性拋售,考慮返過去半年嘅零售市道,再參考50天移動平均線,會得到一個最基本而又有效嘅趨勢判別指標,可以簡單容易得到一個 sales projection。

我地 Manager 聽到呢度都已經火都黎哂,都依然好聲好氣問佢 「咁其實我地嘅 campaign 都當然最好就配合返有 product一齊推出會比較好啦,咁你地會幾時返貨?」

估唔到得到一個意想不到嘅答案:「下次話你知」

【此文章刊載於POT.HK;標題:阿強:沒有貨品卻想 draw sales 的神奇客戶

廣告界袋底泥