6個看穿老闆的身體語言

這個社會很現實,就算你有幾唔like公司入面所謂的“擦鞋仔”,擦得啱係公司地位當然就節節上升啦!但點樣可以擦得啱又唔會令老闆反感?

今次教你睇老闆的6個動作,絕對可以幫助你係老闆面前展現睿智一面?記得!你要比老闆棋快一招 – 比佢更懂佢的身體語言!聽落係咪好creepy?仲要唸起佢個樣時,更加….

remember !老闆一個不經意的皺眉,或係暗示老闆對你的所為略感不滿,你必須立即改變工作模式,佢會覺得你充滿靈性… 每個人都係一本好好睇的漫畫書,老闆亦如此。能讀懂佢微妙的身體語言,你便能在職場出奇制勝!

 

1.尖塔式手勢——老闆很有把握

當老闆兩隻手的指尖輕輕相碰,形成尖塔式手勢,放係嘴度或頜下,咁代表佢對眼前的事很自信。這是上級指導下級,或律師面對客戶時的招牌動作。身體語言研究者發現,三成以上的老闆,係同員工進行private talk時,都以“尖塔式”作為開場動作。

這個時候,老闆的潛台詞:“我係老闆,你要聽我講,最好唔好插嘴。”

你可以咁做:尖塔式手勢原本是早期的祈禱手勢,做這個動作的人係潛意識中,想令自己睇落更似萬物創造者。所以,面對老闆,千祈唔好以尖塔式手勢回應佢(博炒豁出去者除外),如果你都做尖塔手勢,只會俾佢覺得你自鳴得意、狂妄自大。So, you better 微笑、點頭,頻頻附和老闆說的話,以示你同老闆係同一頁同一條船同一個立場。

 

2.上身斜傾——老闆在等你說話

當老闆一路講野一路將身體往一側傾斜,另一隻手向前平攤,手心朝上放係檯面度,語速減慢,雙眼直視你的嘴唇或眼睛((⊙o⊙)…)。說明老闆係度等待,這一刻佢講咩都唔重要,重要的係佢在用身體語言話你知,your turn to say something now!

這個時候,老闆的潛台詞:“我要講的野講完,講我知你點睇我啱啱講的偉論 ?”

你可以咁做:既然老闆做出這個動作,說明佢係有足夠耐心繼續聽你up。如果你有唔同意見,這時提出最好。同老闆講野前一定要係個腦度打曬稿,然後將你認為最精彩的言論好好present,老闆會格外重視。

 

3.輕輕擦掌or頻繁點頭——老闆贊同你的觀點

研究顯示,如果係男老闆,同下屬談話時遇感興趣的問題,或對你的意見表示贊同時,佢會輕輕搓揉雙手,這種動作係sales同客之間亦常見。如果你眼前的sales做了這個動作,說明他對這筆交易好滿意,佢先係最大受益人。

而女老闆,尤其是後生女老闆,表達贊同的方式則是頻繁點頭,示意佢對你的proposal非常滿意。

做這些動作時,老闆的潛台詞:“好精彩,繼續講,don’t stop!”

你可以這麼做:有意放慢語速,斟酌自己的用詞。皆因,老闆咁做,係對你工作的肯定,但這只是第一步。如果你得意忘形,絕對係對衰收尾,反而俾老闆留下輕浮的印象。這時最重要是stay humble。

 

4.用手摸耳仔——老闆對你的話表示懷疑

細個時一講錯野,小朋友本能反應會摀住自己個嘴。聽到父母責罵時就摀住耳朵,這種習慣係會跟到大的!當老闆對你的話表示懷疑時,唔會當場提出,卻會不由自主地用手摸耳仔,或靠近耳仔的顴骨和面珠,有時隻眼仲會無目的地望住張臺。佢咁做係試圖分散瞬間的不快。

這個時候,老闆的潛台詞:“really ?我之前無聽過有這些事發生?”

你可以咁做:當你匯報消息時,你要確保你的消息係完全準確。如果你not too sure,最好change topic。但如果你可以保證消息準確性,可以係陳述同時,十指交叉,擺係檯上。這是表達自信的動作,但要記得面帶微笑,否則老闆會覺得這個動作俾佢壓力。

 

5.手指托住下巴——老闆對你的話不耐煩

當老闆豎起食指,挨著面珠,將大拇指抵係下巴上,千萬唔好以為佢係度思考你的話,這其實表示佢對你的話開始厭倦。如果你仍滔滔不絕,咁就你明啦。

這個時候,老闆的潛台詞:“我的時間很寶貴,收爹pls。”

你可以咁做:講野要講重點,將未講既sum up 清晰地快快講出來,讓老闆明白,你正為縮短談話時間而努力。

 

6.雙臂環抱,身體靠後——老闆希望你結束談話

雙臂環抱是一種保護性姿勢。當老闆雙臂環抱時,說明佢潛意識中抵觸眼前的人;而身體靠後意味著老闆刻意同你拉開距離,意味著佢想結束本次談話。

這個時候,老闆的潛台詞:“我已經煩了,你快走啦。”

你可以咁做:盡快finish up,唔好試圖用最後幾秒講清自己的觀點,老闆的時間有限,或下次再講比較好。這時你可以將身體往後仰,俾老闆睇出你沒有久留的意思。另外,唔好再提所謂重要觀點,they will not care.

 

【非經允許、不得轉載。POT.HK 獲授權刊載;作者:SJ;原文標題:如何看懂老闆的身體語言;好文章需要你的支持,請讚好 粉絲專頁

【此文章刊載於POT.HK;標題:6個看穿老闆的身體語言