阿旺:客戶要成段片個背景變色呀

POT.HK:作為命令者,下命令前其實必須了解下命令執行者的難度。

今朝一早出門口,見到屋企門前好似老蘭d港女見到洋腸一樣山洪暴發,出門口唔夠五秒就令我下身濕透,又勾起上次落雨跟shoot嘅回憶。

事前照個客嘅要求揾咗幾個場地俾佢揀,佢話要簡單舒適風格但係又要帶d後現代感,雖然唔係好明佢想要d咩,我諗佢都唔係好知自己要d咩,不過聽佢形容其實佢都應該係marketing 界嘅王家衛,所以求求其其揾咗兩個有塊淨色牆身嘅場俾佢,再話佢聽「我覺得呢個場俾我感覺好有時代俾人壓迫嘅嗰種無奈而又堅毅不屈嘅精神,好適合你個brand」佢又真係好似完全get到我一樣,呢刻感覺只有佢能夠明白我。

黎到現場,SURPRISE,個客竟然自己出現咗,但係佢都只係乖乖地坐係旁邊唔出聲咁我都唔得閒理佢。拍咗3個鏡頭,佢自己唔知邊度班到個大聲公返黎大叫。

「cut」 「阿旺呀,背景好似太dry」

「但係純色先能夠襯托出後現代嘅無奈同激情wor」

「但係我諗都係太dry,加d cyber 感先fit到個theme」

我d cameraman 差d就衝埋去中鳩佢頭殼,我右手輕輕一弗,將cam man 推到牆角,再同個客講「一係咁,你都已經要求咗後期要加effect,我地到時再幫你加返d cyber感好唔好先」。

佢又出奇地順攤wor 「無問題,信你地」。

拍多咗兩個鏡頭,佢又自己叫cut。

「個背景d道具好唔夾我地個product,整走佢」

「umm個道具係你地同事準備架wor,開頭個story都會同佢有interaction」

「唔得唔得,唔要啦整走佢啦」

拍完交first cut,隔咗唔夠10分鐘就收到個客打黎。

「成段片好滿意,好satisfy,不過我都係覺得個背景太monotone,同埋個色tone唔太match我地brand嘅grand theme」

「你同我成段片個背景都變色呀,聽日交second cut,thank you 你」

隻手仲吊住個已經掛線嘅電話 「哈哈,屌你老味,哈哈哈哈」 但係電話嘅另一頭都只係繼續傳黎空虛嘅嘟嘟聲。

【此文章刊載於POT.HK;標題:阿旺:客戶要成段片個背景變色呀

廣告界袋底泥
‘關鍵字’ , , , , , ,